LinkBack URL
About LinkBacks
بسم اللہ الرحمن الرحیم
نحمدہ ونصلی علی رسولہ الکریم
جنگ یرموک کا ایک واقعہ
حضرت ابوجہم بن حذیفہ رضی اﷲ عنہ کہتے ہیں کہ میں یرموک کی لڑائی میں اپنے چچازادبھائی کی تلاش میں نکلا کہ وہ لڑائی میں شریک تھے اور ایک مشکیزہ پانی کا میں نے اپنے ساتھ لیا کہ ممکن ہے وہ پیاسے ہو تو پانی پلاؤں. اتفاق سے وہ ایک جگہ اس حالت میں پڑے ہوئے تھے کہ دم توڑ رہے تھے اور جان کنی شروع تھی. میں نے کہا پانی کا گھونٹ دوں. انہوں نے اشارہ سے ہاں کی. اتنے میں دوسرے صاحب نے جو قریب ہی پڑے تھے اور مرنے کے قریب تھے ، آہ کی میرے چچازاد بھائی نے آواز سنی تو مجھے ان کے پاس جانے کا اشارہ کیا . میں ان کے پاس پانی لے کر گیا وہ ہشام بن ابی العاص تھے، ان کے پاس پہنچا ہی تھا کہ ان کے قریب اسی حالت میں ایک تیسرے صاحب دم توڑ رہے تھے ، انھوں نے آہ کی، ہشام نے مجھے ان کے پاس جانے کا اشارہ کردیا. میں ان کے پاس پانی لے کر پہنچا تو ان کا دم نکل چکا تھا میں ہشام کے پاس آیا تو وہ بھی جاں بحق ہوچکے تھے . ان کے پاس سے اپنے بھائی کے پاس لوٹا تو اتنے میں وہ بھی اس دنیا سے رخصت ہوچکے تھے.
(ابن کثیر)
( ''صحیح اسلامی واقعات ''، صفحہ نمبر 78)
Reply With Quote
Bookmarks