Page 1 of 7 123 ... LastLast
Results 1 to 20 of 122

my romen poetry

This is a discussion on my romen poetry within the Shair o Shayri forums, part of the Urdu Poetry category; Zamanay Se Nahi Hum Tanhai Se Dartay Hain ... Piyar Se Nahi Hum Ruswaee Se Dartay Hain ... Milnay Ki ...

  1. #1
    Golden member *Sanam*'s Avatar
    Join Date
    Nov 2007
    Posts
    4,726

    Post my romen poetry

    Zamanay Se Nahi Hum Tanhai Se Dartay Hain ...
    Piyar Se Nahi Hum Ruswaee Se Dartay Hain ...
    Milnay Ki Umang BOhut HOty Hai Dil Main
    Laikin Milnay K Baad Teri Judai Se Dartay Hain

  2. #2
    Golden member *Sanam*'s Avatar
    Join Date
    Nov 2007
    Posts
    4,726

    Post Re: my romen poetry

    Yaadon Sey Rishta Kal Bhi Tha, Yaadon Sey Rishta Aaj Bhi Hai
    Dil Kal Bhi Apna Dukhta Tha, Dil Afsurdaa Sa Aaj Bhi Hai

    Tum Door Huvey Majboori Mein, Hum Toot Gaye Is Doori Mein
    Kabhi Waqt Miley Tu Lout Aana, Ye Dil Ka Dar Vaa Aaj Bhi Hai

    Woh Sahil Woh Mitti Geeli, Mitti Ke Gharondey Sahil Per
    Sahil Ki Bipherti Mojoon Se, Gharondon Ko Bachana Aaj Bhi Hai

    Tum Khush Ruho Abaad Ruho, Dil Apna Tu Barbaad Huva
    Gham Dil ka Sahara Kal Bhi Tha, Aur Gham Ka Mara Aaj Bhi Hai

    Yeh Ashk Nahi Hain Aankhon Mein, Ye Taarey Jhilmil Kartey Hain
    In Aankhon Mein Jo Kal Tuk Tha, Vohi Chaand Sa Chehra Aaj Bhi Hai

    Ab Shikva Kisi Se Kya Karna, Taqdeer Mein Jo Likha Tha Mila
    Gham Kal Bhi Mera Sarmayaa Tha, Gham Mera Virsa Aaj Bhi Hai

  3. #3
    Golden member *Sanam*'s Avatar
    Join Date
    Nov 2007
    Posts
    4,726

    Re: my romen poetry

    ik diya dil main jalana bhi bujha bhi dena
    yaad karna bhi usse rooz bhula bhi dena

    kya kahon yeh meri chahat hai ke nafrat uss ki?
    naam likhna bhi mera likh ke mita bhi dena

    phir nah milne ko bicharta tu hoon tujh se lekin
    morr ke dekhon tu palatne ki dua bhi dena

    khat bhi likhna usse mayoos bhi rehna uss se
    jurm karna bhi magar khud ko saza bhi dena

    mujh ko rasmoon ka takaluf bhi gawara lekin
    ji main aaye tu yeh deewar gira bhi dena

  4. #4
    Golden member *Sanam*'s Avatar
    Join Date
    Nov 2007
    Posts
    4,726

    Post Re: my romen poetry

    Kya hua jo tumhara saath nahi
    Mere hathon main tumhara haath nahi

    Mere liye tumhari yaadein hi kafi hain
    Muhabbat main zaroori mulaqat nahi

    Main sari umar tarsa hon chahat ke liye
    Mere naseeb me shayad ye soghat nahi

    Iss andaaz se bikhar kar phir simat na saka
    Mujhe samaitne wala hi koii haath nahi

    Jis ki DOSTI peh naz thaa, wo DOST bhi gaya
    Kis qarb se kaha us.. ne koi baat nahi

  5. #5
    Golden member *Sanam*'s Avatar
    Join Date
    Nov 2007
    Posts
    4,726

    Post Re: my romen poetry

    !!!!!!! AAP K BINA !!!!!!!!!!
    "zindagi zindagii hi nahi aap k bina
    kuch meri heyseyaat hi nahi aap k bina
    kuch loag tanha chor k chalay gay hum ko
    yeh zindagii udass hai aap k bina
    kuch toh saath deyna tha aap ko mera
    aap bhi chalay gay aaoroon ki tarhan
    zindagi mai teray siwa chaha nahi kisi ko
    ab toh JEE hi lein gay hum aap k bina
    zindagi zindagii nahi ""AAP K BINA

  6. #6
    Golden member *Sanam*'s Avatar
    Join Date
    Nov 2007
    Posts
    4,726

    Post Re: my romen poetry

    Kash hum bezubaan hote,
    Naa fir gham yun bayaan hote !!

    Kash naa hoti zindagi ki samajh,
    Naa fir yun afsaane jawaan hote !!

    Kash naa khwahish hoti kuch paane ki,
    Naa fir kuch khone k gham yahan hote !!

    Gar tod jaata koi ashiyaaN humara,
    Fir bhi khoobsurat saare samaan hote !!

    Lut Jaati gar Roshni-e-zindagi,
    Fir bhi andhere naa yahan hote !!

    Toot-te hue bhi be-shubhaah hote !
    Kash hum bezubaan hote !!
    Kash hum bezubaan hote !!

  7. #7
    Golden member *Sanam*'s Avatar
    Join Date
    Nov 2007
    Posts
    4,726

    Post Re: my romen poetry

    mulakat jo un se hoi ek ersay k bad

    "Mulakat jo un se hoi ek arsey baad
    Ajab si kasak Dil mein hoi ek arsey baad

    Sapne buhat se aisey jo sirf khwab the
    Hakeekat mein dahlte nazar aaye ek arsey baad

    Woh sab jo kho chuke the ek udaas sham mein
    Milne ki kiran nazar ek arsey baad

    Socha tha kareen ge un se dheeron shikwey
    Apni hi soch par hansi aayi ek arsey baad

    Kehna os ko pyaar se WaSeE meri zindagi mein laot aao
    Hasrat jeeney ki dil mein hoi ek arsey baad

  8. #8
    Golden member *Sanam*'s Avatar
    Join Date
    Nov 2007
    Posts
    4,726

    Post Re: my romen poetry

    Khawab Jhootay Kissi Ko Dikhaya Nahi Kertay
    Meeri Jaan! Youn Kisi Ko Satya Nahi Kertay
    Aik Baar Youn Kisi Ko Keh Ker Apna
    Daman Phir Uss Say Churaya Nahi Kertay
    Uskay Intezar Say Bhala Kia Ho Ga Hassil
    Annay Ka Keh Ker Bhi Joo Aya Nahi Kertay
    Rekhtay Hoon Jo Derd Bhara Dil Apnay Seenay
    Dosroon Ka Dil Phir Woh Dookhaya Nahi Kertay
    Doo Qadam Sath Chaal Ker Jo Juda Hoo Jaien
    Aysay Loggon Ko Tu Humsafar Banya Nahi Kertay
    Kistarha Guzarti Ho Gi Zindagi Unki
    Pehli Muhabbat Ko Jo Dil Say Bhulaya Nahi Kertay

  9. #9
    Golden member *Sanam*'s Avatar
    Join Date
    Nov 2007
    Posts
    4,726

    Post Re: my romen poetry

    Yeh Mojza Bhi Mohabbat Kabhi Dikhaye Mujhey
    Keh Sang Tujh Peh Girey Or Zakham Aye Mujhey

    Main Apney Paoon Taley Rondta Hoon Saye Ko
    Badan Mera Hi Sahi, Dopehr Na Bhye Mujhey

    Main Gher Sey Teri Tamman Pehn Ker Jab Nikloon
    Barhana Sheher Main Koi Nazar Na Aye Mujhey

    Wohi To Sab Sey Zyada Hey Nukta Cheen Mera
    Jo Muskra Key Hamesha Agley Lagye Mujhey

    Who Mera Dost Hey Sarey Jahan Ko Hey Maloom
    Dagha Karey Who Kisi Sey To Sharam Aye Mujhey

    Who Meherban Hey To Iqrar Kyon Nahi Kerta
    Who Badguman Hey To 100 Baar Azmye Mujhey

    Barangey Aud Miley Gi Usey Meri Khushboo
    Who Jab Bhi Chahey Barey Shoq Sey Jalye Mujhey

    Main Apni Zaat Main Neelam Ho Raha Hoon Qateel
    Gham-E-Hayat Sey Keh Do Khareed Lye Mujhey

  10. #10
    Golden member *Sanam*'s Avatar
    Join Date
    Nov 2007
    Posts
    4,726

    Post Re: my romen poetry

    Tujh Sey Mil Ker To Yeh Legta Hey Aey Ajnabi Dost
    Tu Meri Pehli Mohabbat Thi Meri Akhri Dost
    Log Her Baat Ka Afsana Bana Detey Hain
    Yeh To Duniya Hey Meri Jan Kye Dushman Kye Dost
    Teri Qamat Sey Bhi Lipti Hey Amar Bail Koi
    Meri Chahat Ko Bhi Duniya Ki Nazar Kha Gye Dost
    Yad Aai Hey To Phir Toot Key Yaad Aai Hey
    Koi Guzri Hui Manzil Koi Bhooli Hui Dost
    Ab Bhi Aye Ho To Ehsaan Tumhara Lekin
    Who Qyamat Jo Guzarti Thi Guzar Bhi Gye Dost
    Terey Lehjey Ki Thakan Main Tera Dil Shamil Hey
    Aisa Lagta Hey Judai Ki Gheri Aa Gye Dost
    Barish Sang Ka Mousam Hey Merey Sheher Main To
    Tu Yeh Sheeshey Sa Badan Ley Ker Kahan Aa Gye Dost
    Main Usey Ehd-E-Shakan Kaisey Samajh Loon Jis Ney
    Aakhri Khat Main Yeh Likha Tha Faqt “Aap Ki Dost”

  11. #11
    Golden member *Sanam*'s Avatar
    Join Date
    Nov 2007
    Posts
    4,726

    Post Re: my romen poetry

    Dil main phir dard howa dair talak

    Na mili iss ko dawa dair talak

    Mein nay khoshboo ki haqeqat poochi

    Phool khamosh raha dair talak

    Tum nay to sirf suna hee ho ga

    Mein nay jo dard saha dair talak

    Shab ko phir mein nay sulgata paya

    Mun ka khamosh diya dair talak

    Uss nay kuch aur kaha tha shayed

    Mein nay kuch aor suna dair talak

    Uss nay poocha k mujhe yaad kiya?

    Mein nay tab hans k kaha dair talak

    Janay wala nahi ek pal bhi ruka

    Aks aankhoon main raha dair talak

    Maslahat reh gaee hontoon pay Batool

    Rooh main shor macha dair talak

  12. #12
    Golden member *Sanam*'s Avatar
    Join Date
    Nov 2007
    Posts
    4,726

    Post Re: my romen poetry

    kab kaun kisi ka hota hai
    sab jhootay rishtay naatay hain
    sab dil rakhnay ki baatain hain
    sab aslee roop chupatay hain
    ikhlaaq say khali log yahan
    lafzon key teer chalatey hain
    ik baar nigaahon mein aa ker
    phir saari umer rulatay hain
    lo jis nay humain hain ashk dye
    ab us ko bhool hi jaatay hain!!!

  13. #13
    Golden member *Sanam*'s Avatar
    Join Date
    Nov 2007
    Posts
    4,726

    Post Re: my romen poetry

    Yoon dil ko her ek shakhs pay wara nahi kertay
    Aankhoon may her ek aks uttara nahi kertay

    Honi hai to ek bar hee ho jaey mohabbat
    Yeh bhool hai aisee k dobara nahi kertay

    Aacha howa mein nay hee faqat dekha mager yoon
    Mehfil main kisi ko bhi ishara nahi kertay

    Mil jaey sir-e-rah jo bhichra howa koi
    Chup chap hee taktay hain pukara nahi kertay

    Kion payar ki bazi say ho iss darja gurezan
    Kehtay hain k dil har k hara nahi kertay

    Kajal say bhi aab kaam koi lay na saheli !
    Yoon dard say aankhoon ko sanwara nahi kertay

  14. #14
    Golden member *Sanam*'s Avatar
    Join Date
    Nov 2007
    Posts
    4,726

    Re: my romen poetry

    Ab agar aaooo to jane ke leye mat aana ,

    sirf ahsaan jatane ke leye mat aana ,

    Maine palko pe tamannaye saja rakhe hai ,

    dil main ummed ke shammaye jala rakhe hai ,

    ye hasi sahme bujhane ke leye mat aana ,

    pyar ki aag main zanjeere ***hal sakte hai ,

    chahne waloo ke taqdire badal sakte hai ,

    tum ho bebas ye batane ke leye mat aana ,

    Ab tum aana jo tumhe mujse mohabbat hai koi ,

    mujse milne ki agar tum ko b chahat hai koi ,

    tum koi rasam nibhane ke leye mat aana ,

    sirf ahsann jatane ke leye mat aana ...................!

  15. #15
    Golden member *Sanam*'s Avatar
    Join Date
    Nov 2007
    Posts
    4,726

    Post Re: my romen poetry

    Zikr-e-shab-e-firaaq se vahashat use bhii thii
    merii tarah kisii se muhabbat use bhii thii

    mujh ko bhii shauq thaa naye cheharon kii diid kaa
    rastaa badal ke chalane kii aadat use bhii thii

    us raat der tak vo rahaa mahv-e-guftaguu
    masruuf main bhii kam thaa faraaGat use bhii thii

    sunataa thaa vo bhii sab se puraanii kahaaniyaan
    taazaa rafaaqaton kii zaruurat use bhii thii

    mujh se bichhad ke shahar main ghul mil gayaa vo shakhs
    haalaanke shahar bhar se raqabat use bhii thii

    vo mujh se badh ke zabt kaa aadii thaa jii gayaa
    varnaa har ek saans qayaamat use bhii thii

  16. #16
    Golden member *Sanam*'s Avatar
    Join Date
    Nov 2007
    Posts
    4,726

    Post Re: my romen poetry

    dafn seene meN rakheN wasl ke armaaN kab tak
    aatish e hijr jalayegi miri jaan kab tak

    tangi e zeest ka ho jaye use kaash ahsaas
    ghaflat e yaar kahaN tak shab e hijraaN kab tak

    aaeenah bandi e dil kaGHzi gul se kijaaye
    aik seHraa meN tamanna e gulistaaN kab tak

    aoj per aaj he tuGHyani e beHr e jazbaat
    aik kooze meN daba rakkhenge toofaaN kab tak

    her ghaRi dil pay diye jaate heN dastak aalaam
    bin bulaye chale aayenge yeh mehmaaN kab tak

    ab woh KHamosh he , tha shab meN shareek e maatam
    saath deta mira aaKHir dil e naalaaN kab tak

    daafa e naar e shikam Arq e badan he jiska
    pet per bandhega patthar wahi dehqaaN kab tak

    le liya qatl ka ilzaam hameeN ne sar per
    husn ko dekhte ab aur paraishaaN kab tak

    jo nah milti hameN GHurbat meN husaini manzil
    koo ba koo phirte younhi be sar o saamaaN kab tak

  17. #17
    Golden member *Sanam*'s Avatar
    Join Date
    Nov 2007
    Posts
    4,726

    Post Re: my romen poetry

    sar jhukaaoge to patthar devataa ho jaayegaa
    itanaa mat chaaho usay wo be-wafaa ho jaayegaa

    ham bhii dariyaa hain hame.n apanaa hunar maaluum hai
    jis taraf bhii chal pa.De.nge raastaa ho jaayegaa

    kitanii sachchaa_ii se mujhase zi.ndagii ne kah diyaa
    tuu nahii.n meraa to ko_ii duusaraa ho jaayegaa

    main Khudaa kaa naam le kar pii rahaa huu.N dosto.n
    zahar bhii is me agar hogaa davaa ho jaayegaa

    ruuTh jaanaa to mohabbat kii alaamat hai magar
    kyaa Khabar thii mujh se wo itanaa Khafaa ho jaayegaa

  18. #18
    Golden member *Sanam*'s Avatar
    Join Date
    Nov 2007
    Posts
    4,726

    Post Re: my romen poetry

    kabhi chanda ki nagri se koi paigham aye to
    kabhi taron ke honton par kisi ka naam aye to
    kabhi tareek shab mein koi jugnu jagmagata hai
    mujhe woh yad ata hai

    kabhi jab saans se uthhta dhuan mehsoos hota ho
    ajab si aanch pe harr ki ruan mehsoos hota ho
    tab us ke pyar ke sawan mein tann mann bheeg jata hai
    mujhe woh yad ata hai

    kabhi raton ko uth uth kar buhat bechain hote hon
    agar jo laitna chahen to bass takiye bhigotey hon
    koi roothi hui sab neend ki parian bulata hai
    mujhe woh yad ata hai

    kabhi jab titlion ke pankh bhi be rang ho jayen
    meri sari baharen bhi khizan ke sang ho jayen
    tabhi ik aas ka panchhi dar e dil khatkatata hai
    mujhe woh yad ata hai

    woh jis ke dhyan ki kirnen hamen harr subh jagati hain
    usi ki yaad ke saye mein shaamen muskurati hain
    mujhe chhu ke jo harr shab sang se heera banata hai
    mujhe woh yad ata hai


    kabhi ziddi si koi yaad daaman thham baithey to
    kabhi kaga hamari chhat pe subh o sham baithey to
    kabhi bhatka koi wada jo darwaza bajata hai
    mujhe woh yad ata hai

  19. #19
    Golden member *Sanam*'s Avatar
    Join Date
    Nov 2007
    Posts
    4,726

    Post Re: my romen poetry

    Agar kabhi meri yad aye to...
    chand raton ki narm dilgeer roshni mein
    kisi sitaray ko dekh lena...
    Agar woh nakhl-e-falak se urh kar
    tumharay qadmoon mein aa giray to
    Yeh jan lena woh Ista-ara- tha mere dil ka..
    Agar na aye magar yeh mumkin hai kis tarah k
    tum kise pe nigah dalo to uss ki deewar-r-Jan na tootay..
    Gurez karte hawa ke lehron pe hath rakhna
    Mein khushbon mein tumhein milonga..
    Agar sitaron mein, oos qatron(dew drops)Mein,
    khushbon mein na pao mujh ko to
    apnay qadmoon mein dekh lena
    mein gard hote musafton mein tumhein milonga..
    Keheen pe roshan charagh dekho to jan lena k
    her patangay ke sath mein bhe bikhar chuka hon.
    Tum apnay hathon se uss patangay ki khak dariya mein dal dena..
    Mein khak ban kar samandaron mein safar karonga...
    Keheen na dekhay howay jazeeray pe ruk k tumko sadaein donga...
    Samandaron ke safar pe niklo to uss jazeeray pe bh utarna...
    to uss jazeeray pe bhi utarna.......................

  20. #20
    Golden member *Sanam*'s Avatar
    Join Date
    Nov 2007
    Posts
    4,726

    Post Re: my romen poetry

    Masoom si Mohabbat ka bus itna sa Fasana hai
    Kagaz ki Haweli hai, Baarish ka Zamaana hai

    Kya Shart-e-Mohabbat hai, kya Shart-e-Zamana hai
    Aawaz bhi Zakhmi hai aur wo Geet bhi gana hai

    Uss paar utrne ki Umeed boht kam hai
    Kashti bhi Puraani hai, Toofaan bhi aana hai

    Samajhe ya na samjhe wo Andaaz-e-Mohabbat ka
    Ek khaas ko Aankhon se ek sher sunaana hai

    Bholi si ada, koi phir Ishq ki Zid per hai
    Phir Aag ka Darya hai.. Aur Doob ke jana hai

Page 1 of 7 123 ... LastLast

Similar Threads

  1. My Favorite Poetry ( Roman )
    By Jaan_leva in forum Shair o Shayri
    Replies: 101
    Last Post: 19th June 2010, 09:52 PM
  2. Balouchi Poetry Section Ruls
    By Admin in forum Balouchi
    Replies: 1
    Last Post: 24th December 2007, 03:05 PM
  3. Sindhi Poetry Section Ruls
    By Admin in forum Sindhi
    Replies: 0
    Last Post: 25th November 2007, 02:48 PM

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •