انوکھی وضع ہے، سارے زمانے سے نِرالے ہیں

انوکھی وضع ہے، سارے زمانے سے نِرالے ہیں
یہ عاشِق کون سی بستی کے یاربّ رہنے والے ہیں


علاجِ درد میں بھی درد کی لذّت پہ مرتا ہوں
جو تھے چھالوں میں کانٹے، نوکِ سوزن سے نکالے ہیں


پھلا پھولا رہے یا ربّ ! چمن میری اُمیدوں *کا
جگر کا خون دے دے کر یہ بُوٹے میں نے پالے ہیں


رُلاتی ہے مجھے خوابوں میں خاموشی ستاروں کی
نِرالا عشق ہے میرا، نِرالے میرے نالے ہیں


نہ پُوچھو مجھ سے لذّت خانماں برباد رہنے کی
نشیمن سینکڑوں میں نے بنا کر پُھونک ڈالے ہیں


نہیں بیگانگی اچھی رفیقِ راہِ منزل سے
ٹھہر جا اے شرر، ہم بھی تو آخر مِٹنے والے ہیں


اُمیدِ حُور نے سب کچھ سِکھا رکھا ہے واعظ کو
یہ حضرت دیکھنے میں سیدھے سادے بھولے بھالے ہیں


میرے اشعار اے اقبال! کیوں پیارے نہ ہوں مجھ کو
میرے ٹُوٹے ہوئے دل کے یہ درد انگیز نالے ہیں

نہ پُوچھو مجھ سے لذّت خانماں برباد رہنے کی
نشیمن سینکڑوں میں نے بنا کر پُھونک ڈالے ہیں

میرے اشعار اے اقبال! کیوں پیارے نہ ہوں مجھ کو
میرے ٹُوٹے ہوئے دل کے یہ درد انگیز نالے ہیں
..............................................

kya kehnay
bahot umdha
keep it up

Kya baat he iqbal ki poetry ki

رُلاتی ہے مجھے خوابوں میں خاموشی ستاروں کی
نِرالا عشق ہے میرا، نِرالے میرے نالے ہیں
wah boht khoob
keep sharing

Thanks manee
keep it uP!

NICE POETRY

ویری نائیس

ہمارے ساتھ شیرنگ کا بہت شکریہ

simply best