پر سکون نیند آپ کو خوش مزاج بناتی ہے

آپ نے نوٹ کیا ہو گا کہ آپ رات بھر سوئی نہیں تو گھر کے کسی کام میں دل نہیں لگتا بلکہ اسے مجبوری سمجھ کر کیاجاتا ہے۔ بچے یا بڑے آپ سے بات یا مذاق کریں تو آپ شور مچانے لگتی ہیں مسلسل جاگنے سے چڑ چڑاپن آپ کے مزاج کاحصہ بن جاتا ہے اور عزیز آپ کے غصے سے ڈرنے لگتے ہیں۔ مکمل نیند نہ لینے سے قوت مدافعت کمزورہو جاتی ہے اور بیماری کی صورت میں تن درست ہونا مشکل ہو جاتا ہے وہ خواتین جو ملازمت کرتی ہیں ان کیلئے خصوصاً نیند کا پورا ہونا ضروری ہوتا ہے کیونکہ انہیں بروقت ملازمت پرپہنچنا ہوتا ہے اور اپنے دفتری امور کی انجام دہی میں تھکن یا بے آرامی کو آڑے نہیں آنے دیتیں تیز کام کے دوران روابط میں چڑچڑاپن ان کیلئے کسی مصیبت سے کم نہیں ہوتا۔ گھریلو خواتین تو جب چاہیں آرام کر سکتی ہیں اور کام کاج کے اوقات کو آگے پیچھے کر سکتی ہیں کیونکہ ملازمت پیشہ خواتین کے اوقات مخصوص ہوتے ہیں لہٰذا ان کیلئے آرام اور نیند بہت ضروری ہوتی ہے۔

اگر آپ سونے کیلئے لیٹیں اور آپ کو نیند نہ آئے تو کروٹیں بدلنے کے بجائے خود کو مصروف کر لیں، اچھی موسیقی سنیں یا پسندیدہ کتاب پڑھیں۔ نیم گرم پانی سے دیر تک نہائیں،گردن اورکندھوں کا مساج کروائیں اس سے نیند بہت جلدی آجائے گی۔ سونے سے قبل چائے یا کافی ہرگز نہ پئیں کیونکہ ان چیزوں سے بدن میں چستی در آتی ہے اور نیند غائب ہو جاتی ہے، البتہ اگر پینے کو بہت دل چاہ رہاہو تو پودینے کی چائے پی جا سکتی ہے۔ تکیے پر خوشبو لگانے سے سونے میں مدد مل سکتی ہے۔ موسم گرما میں خاص طورپر کمرے کھڑکی کھلی رکھیں تاکہ تازہ ہوا کی آمدورفت جاری رہے تازہ ہوا نہ صرف نیند میں مدد دیتی ہے بلکہ سوتے ہوئے یہ جلد پربہت اچھا اثر ڈالتی ہے۔ آنکھیں بند کرکے بارش، خوش گوار موسم یا دل کش مناظرکا تصورکرنا بھی نیند کی آمد میں مفید ہے اور دونوں ہاتھوں کو آنکھوں پر رکھ کر گہرے سانس لینے سے نیند بہت جلدی آجاتی ہے۔ اگر نیند پھر بھی نہ آئے تو خود کو دوسرے دن کے کسی کام میں مصروف کر لیں اس طرح ایک تو کام ہو جائے گا دوسرا کام میں آپ کو نیند آنے لگے کی اور دوسرے دن اس کام کا وقت بھی آپ کو آرام کیلئے مل سکتا ہے۔

nice work Angel.

thnxx

nice sharing

thnxx