Results 1 to 4 of 4

Ikhlaq,kirdar,aur Namaz

This is a discussion on Ikhlaq,kirdar,aur Namaz within the Hadith-o-Sunnat forums, part of the Mera Deen Islam category; اخلاق وکردار کی تعمیرمیں نماز اہم کردار ادا کرتی ہے محمد رفیق اعتصامی اسلام ایک مکمل ضابطہ حیات ہے جو ...

  1. #1
    Senior Student
    Join Date
    Oct 2010
    Location
    Ahmedpur East
    Age
    51
    Posts
    249

    Arrow Ikhlaq,kirdar,aur Namaz


    اخلاق وکردار کی تعمیرمیں نماز
    اہم کردار ادا کرتی ہے
    محمد رفیق اعتصامی
    اسلام ایک مکمل ضابطہ حیات ہے جو ہر شعبہ زندگی میں انسان کی رہنمائی کرتا ہے اسکے اصول سادہ اور آسان فہم ہیں اسلام ایک ایسا دین ہے جس میں تقوی اور اعلی اخلاق کو بڑی اہمیت حاصل ہے بلکہ اگر یوں کہا جائے تو بے جا نہ ہوگاکہ اعلی اخلاق ہی اسلام کی بنیاد ہیں نبی کریم کا ارشاد گرامی ہے کہ امیں اس لئے بھیجا گیا ہوں کہ اچھے اخلاق کی تکمیل کردوں (متفق علیہ) انحضرت ﷺ اچھے اخلاق و کردار کی زندہ تصویر تھے ارشاد باری تعالی ہے (ترجمہ ) بیشک آپؐ بلند اخلاق کے مالک ہیں (ن پ 29) اخلاق ان تمام عادات و خصائل کو کہا جاتا ہے جو انسان میں پختہ ہو جاتے ہیں اور اس سے بلا تکلف سرزد ہونے لگتے ہیں ان کی دو قسمیں ہیں اچھے اخلاق اور برے اخلاق اسلامی نظام اخلاق کی بنیاد تقویٰ اور پرہیز گاری پرہے ارشاد باری تعالی ہے (ترجمہ) یقیناتم میں اللہ کے نزدیک سب سے زیادہ عزت والا وہ ہے جو متقی اور پرہیز گار ہے ( الحجرات 130)
    اچھے اخلاق و کردار کی تعمیر میں نماز اہم کردار ادا کرتی ہے نماز اسلام کا دوسرا رکن ہے جب کوئی شخص توحید و رسالت ؐ کی گواہی کے بعد دائرہ اسلام میں داخل ہوجاتا ہے تو اس کی سب سے اہم ذمہ داری یہ ہے کہ وہ نماز باقاعدگی سے ادا کرے فرمان الہٰی ہے (ترجمہ) نماز قائم کرو زکوٰۃ ادا کرو اور رکوع کرنے والوں کے ساتھ رکوع کرو(البقرہ 43) اور فرمایا (ترجمہ) اے نبی اکرم ﷺ اپنے گھر والوں کو نماز کا حکم کیجئے اور خود بھی اس کے پابند رہیے ہم آپ سے روزی کموانانہیں چاہتے روزی تو آپ کو ہم دیں گے اور اچھا انجام تو پرہیز گاری کا ہے (سورۃطٰہ 133)
    طلوع اسلام سے قبل عرب طرح طرح کے اخلاق و معاشرتی برائیوں میں مبتلا تھے قتل و غارت گری زنا کاری شراب و جوا جیسے قبیح جرائم ان میں بدرجہ اتم موجود تھے معمولی سی بات پر جنگ چھڑ جاتی تو برسوں جاری رہتی جو شخص ان معاشرتی برائیوں کا ارتکاب نہ کرتا وہ معاشرے کا ذلیل شخص گردانا جاتا مگر جب انحضرت ﷺ نے اچھے اخلاق و کردار کا عملی نمونہ پیش کیا تو پھر حالت یہ تھی کہ وہی لوگ جو باہم دست و گریبان رہتے تھے اب اخوت محبت حسن اخلاق اور رواداری کی زندہ تصویریں بن گئے قرآن عملی زندگی میں انکا دستورحیات قرار پایا احادیث نبوی کو انہوں نے مشعل راہ بنایا نتیجہ یہ ہوا کہ وہی معاشرہ جو پہلے بغض و عداوت کا مظہر تھا اب امن وآشتی کا گہوارہ بن گیا اس عظیم انقلاب کے پس منظر میں ایک ہی بات کارفرما نظر آتی ہے کہ آنحضرت ﷺ نے صحابہ کرامؓ کی اخلاق ی تربیت میں نماز کو اولین اہمیت دی تھی
    آپ نماز ادا کرنیکی بہت تاکید کرتے تھے اور عدم ادائیگی نماز پرسخت ناراض ہوتے تھے آپ نے فرمایا کفر و ایمان کے درمیان فرق کرنے والی نمازہے اور یہ کہ کسی مسلمان کی ایک نماز فوت ہوجانا ایسا ہے گویا اس کا تمام مال و متاع اور اہل خانہ ہلاک ہوگئے ہیں (متفق علیہ) ایک اور حدیث شریف میں ہے کہ فرمایا نبی پاک ﷺ نے کہ نماز دین کا ستون ہے اور میری آنکھوں کی ٹھنڈک نماز میں ہے یعنی جس طرح کوئی عمارت بغیر ستون کے قائم نہیں رہ سکتی اسی طرح کسی شخص کے دین کی عمارت بھی بغیر نماز کے قائم نہیں رہ سکتی اور آپ نے فرمایا کہ نماز مومن کی معراج ہے (بخاری و مسلم)
    آج ہمارے معاشرے میں برائیاں عروج پر ہیں قتل و غارت گری لوٹ ماراغوا برائے تاوان بدعنوانی اور رشوت خوری جیسے امراض اخلاقی اقدار کو گھن کی طرح چاٹ رہے ہیں فحاشی و عریانی کا سیلاب ہے کہ امڈ ہی چلا آتا ہے اطمینان قلب مفقود ہو کر رہ گیا ہے گویا ہمارا معاشرہ دور جاہلیت کے معاشرہ کی عکاسی کرتا ہے لہذا ضرورت اس امر کی ہے کہ لوگوں کو نماز کی ترغیب دی جائے اس کا بہترین طریقہ یہ ہے کہ حکومت پاکستان نظام صلوٰۃ قائم کرے ماضی میں اگرچہ حکومت نے نظام صلوٰۃ کیا تھا مگر وہ ناقص پلاننگ کی وجہ سے کامیاب نہ ہوسکا اس نظام کی بہتری کے لئے چند تجاویز پیش کی جاسکتی ہیں امید ہے حکومت اس سلسلے میں اپنی ذمہ داری پوری کرے گی۔
    ناظم صلوٰۃمعاشرہ کا بااثر آدمی ہونا چاہے جو خود بھی نماز کی پابندی کرتا ہو کیونکہ جو شخص خود نماز ادا نہیں کرتا وہ دوسروں کو ترغیب کیسے دے سکتا ہے۔صلوٰۃ کمیٹی کے ممبران اپنے محلے کے لوگوں سے ملیں اور انہیں نماز کی اہمیت سے آگاہ کرتے ہوئے نماز کی دعوت دیں۔ سرکاری ملازمین کے لئے نماز کی ادائیگی ضروری قرار دی جائے اور اس کی سالانہ پراگرس رپورٹ کی تیاری میں نماز کو بھی پیش نظر رکھا جائے۔

    http://www.islamicinfo.com.pk/

  2. #2
    Member
    Join Date
    Feb 2010
    Location
    Pakistan
    Posts
    3,594

    Re: Ikhlaq,kirdar,aur Namaz

    good

  3. #3
    Ice
    Ice is offline
    Icecreamy girl Ice's Avatar
    Join Date
    Apr 2010
    Location
    karachIiI
    Posts
    15,253

    Re: Ikhlaq,kirdar,aur Namaz

    JazakALLAH Khair!


    SIGNATURE LOADING.......

  4. #4
    *I am Banned*
    Join Date
    Feb 2011
    Location
    attock/pakistan
    Age
    29
    Posts
    55

    Post nice

    very good

Similar Threads

  1. Ikhlaq,kirdar,aur Namaz
    By Mohammad Rafique in forum Hadith-o-Sunnat
    Replies: 0
    Last Post: 9th February 2011, 10:16 AM
  2. HUSN-E-KIRDAR
    By khan group in forum Zaarori Maloomat
    Replies: 0
    Last Post: 1st November 2010, 09:50 PM
  3. Aurat ki Namaz Ka Tariqa Bhi Mard Ki Namaz Jesa hi Hy...
    By sudes_102 in forum Zaarori Maloomat
    Replies: 4
    Last Post: 24th August 2010, 05:06 AM
  4. Replies: 2
    Last Post: 4th June 2010, 02:25 PM
  5. Ikhlaq
    By Ice in forum Hadith-o-Sunnat
    Replies: 5
    Last Post: 18th May 2010, 11:48 AM

Tags for this Thread

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •