Assalmualikum. Waisay main member to ITTaleem ki thori purani hun lakin ziada online nahi a parahe the kam ki waja say.. Ab kuch free time mila to yahan jhank kar dekha :D
Yeh thread mughay lagta hai kay General Knowledge kay section main he sahi rahay gi. Yeh post parhne kay bad mughay umeed hai kay apkay knowledge main English learning kay hawalay say bohot izafa hoga . I think thori bari hogi yeh post per agar ap English learner hain to zaror parheyeh ga. Main koi English lessons to nahi post kar rahe hun yahan per, lakin meri apni kahani hai. How I learned English and how I got success.
Kuch log English sekhna chahtay hain, kuch nahi mera khayal hai her koi. Issi liay wo log English language institutes main admission letay hain or wahan kay teachers un becharay students ko yeh sunehray khuab dekhatay hain kay 6 months kay bad ap English far far bolaingay. JO KAY KABHI NAHI HOTA. Main bhe unhe main say 1 student the. Aj say 2 sal pehlay maine Karachi kay 2 baray langauge centers say English language course kiay...Hamaray speaking groups thay kuch students kay un sab me main sab say achi student the, means as a speakers and debater. Lakin main apni speaking say mutmayen nahi the jabkay meray teachers mughay her bar speaking club main agay kardia kartay thay or bakaoul unkay main 1 achi speaker the... Course complete karne kay bad maine 1 job kay liay apply kia jisme mughay Americans consumers say bat chet karne the or unki complains forward karne hoti then... Maine jab kam start kia to mughay direct calling per nahi bethaya gaya. Pehlay 10 din tak meray language skills check kiay gaye mock calls le kar or 10 din kay bad they rejected me!!! Just because of my English. Training kay doran jab maine test calls kin then to mughay 1 lafz bhe samgh nahi aya tha jo consumers English main bol rahay thay. Na he mian unsay bat kar paye the... I got downhearted. Wo meri pehli attempt the job kay liay or reject hone kay bad mughay waaqae bohot bura laga tha boht dukh hua tha...
Meri grammar bohot achi the main letters, applications and business emails likh sakti the per speaking main bohot masla tha or listening main bhe. Mughay 1 , 1 grammar rule yad the or hamesha grammar test main meray number awwal rahay thay. Per phir bhe meri speaking bohot kharab the. Jab bhe main English bolti the to grammar rules ki waja say confuse hoti the or natejay kay tour per English nahi boli jati the... Maine uskay bad internet per bohot searching ki kay kis tarhan main apni English listening and speaking improve karun. Mughay ezine nam ki website per 1 article mila " How to speak English like native speakers." Or wo parhne kay bad mughay aisa laga kay maine language centers main money and time dono waste kiay hain. Article to bohot lamba tha lakin main uski summary ap logon ko batati hun. Usme sabsay pehlay 1 sawal kia gaya tha kay
"How you learned your 1st language? by learning grammar? NO!!! You never studied grammar to learn your 1st language then why you study English grammar all the time to learn English?"
Yeh sawal yakeenan bohot sada sa laga mughay lakin sochne per majbor kardia... Article parhne kay bad maine yeh sekha kay English sekhne ka method grammar hifz karna nahi hai. Grammar apko sochne per majboor karti hai boltay wakt (jaisa kay meray sath hota tha)
English sekhne kay liay Audio lessons sabsay best hain... Hum Urdu suntay hain phir boltay hain... Urdu bolne kay liay humne grammar yad nahi ki the kabhi bhe... Isi tarhan hum 2nd language bhe sekh saktay hain.. Hum apni 1st language ghair shaouri tour per sekhtay hain.. Hum kabhi koshish nahi kartay kay hum sekhain ya yad karain kay hum bol sakain. We learn our first language unconsciously... Matlab kay listening say... Yeh jo word hai 'Unconsciously' is nain mughay bohot kuch sikhaya.. Maine net per audio lessons dhundna shuray kardiay.. Google per almost 1 week searching ki. Kabi Learning English unconsciosuly likh kar kabhi English audio lessons likh kar. Bohot lessons milay per wo itni kharab quality kay thay, 1 bar sunkay na kuch samgh aya , na agli bar sunnay ka dil chaha or na he wo begginers kay liay thay... Phir mughay Pakistan he ki ek website mili jo kay English audio lessons DVDs sale karti hai.. 1 bat to main batana bhool he gaye.. Maine language course karne kay bad " English Guru" bhe use kia tha... Or usme bhe wohe purana method tha jissay meri grammar or increase hue or sath sath speaking or slow ho gaye... To English Guru per paisay barbad hone kay bad main tayyar nahi the kay or koi mazeed course kharedun. Lakin maine us website per 3 say 4 din tak research ki, yani unkay lessons ki detail and all that... Uskay bad mughay 100% yakeen tha kay agar is course kay baray main jo kuch likha hua hai wo he hua real main, to main zaroor apni English improve karungi isasy or speaking meri Amricans jaisi ho jayegi.. Khair keemat almost 2300rs thi us course ki. Literally maine dil per phattar rakh kar order ki and jaisa kay hum sab jantay hain kay Pakistani services kaisi hoti hai. To mughay next day call aye kay apne order kia hai or unhone kaha kay 2 say 3 days kay andar apki DVD deliver hojayegi.. Per 5 din main aye... Bech main Sunday perh gaya tha shayad is waja say. Khair maine lessons sunna ussi rat say start kiay... Bohot interesting thay, voice bohot clear the, or pronunciation or accent American he tha per itna clear kay 7ya 8 class ka bacha bhe aram say samgh jaye.. Rozana maine 1:30 ghantay listening ki... Or next week say he mughay bohot improvement mehsus hue apni speaking main. Meri bohot si grammar mistakes dur hona shuru hogaye speaking main or really main sochay bina or translate kiay bina English bolne lagi... Wo 6 months ka course tha. Lesson interesting hone ki waja say sunti to main abhi bhe hun per maine 3 months or 15 days main he itni improve ki apni English. English boltay wakt bohot confident feel karne lagi. Wo grammar ka dar khatam hogaya kay kahin kuch ghalat na boldun. As a result English speaking main fluent hoti gaye or phir meri sabsay bari achievment yeh the kay maine again apnay bhai kay reference say usii company main apply kia.. Or aj mughay 5 months hochukay hain ussi company main job kartay huayI got promotion after 4 months. And i think that it was just beacause of my language skills..
Yeh article ya jo bhe kehlain, likhne ka maksad sirf yeh hai kay un students kay demagh say yeh thinking khatam ki jaye kay English sekhne kay liay grammar yad karna sahi tarika nahi hai... Writing is an output and its input is reading.. Yani reading say writing ati hai isi tarhan Speaking 1 output hai, or iska input hai Listening... Apnay English learning period me main bohot disheart hue or frustated bhe. To meri yeh koshish the kay jo bhe maine sekha or kaisay sekha, wo sab apsay share karun.
Agar pasand aye to comments zaror kijiay ga
Pehaly maine link share nahi kia tha us website ka yahan per. Lakin hosakta hai kay main ap logon kay messages ka reply na kar sakun 1 1 karkay kionke main regular user nahi hun. koshish karti hun aney ki per time nahi milta
Isliay main link yahen per share kar rahe hun
www.englishlearningpakistan.com
Bookmarks